ວົງການ Vongkan : ຮູ້ທັນບັນເທີງລາວ ແລະ ສາກົນ

ຮູ້ທັນບັນເທີງລາວແລະສາກົນ

ດາລາໄທ

ທີມນັກສະແດງຊີລີ້ພອນຮັກບິນໄກເຖິງ “ເກົາຫຼີ” ຮ່ວມງານ Busan Film Festival

ຖ້າເວົ້າເຖິງນັກສະແດງຊີລີ້ໄວລຸ້ນລາວ ກໍ່ຄົງຈະບໍ່ມີໃຜບໍ່ຮູ້ຈັກນັກສະແດງຈາກ ຊີລີ້ ພອນຮັກ ແນ່ນອນ ເພາະບໍ່ດົນມານີ້ນ້ອງໆນັກສະແດງຫຼັກຈາກຊີລີ້ ພອນຮັກ ສາວ ອາລິຍາ, ສາວ ສຸລິນດາ ແລະ ໜຸ່ມ ເຊີ້ ເດີນທາງໄກບິນຕົງໄປເກົາຫຼີ ປູຊານ ເປັນຕົວແທນປະເທດລາວເພື່ອຮ່ວມງານBusan Film Festival ເປັນງານປະກາດລາງວັນ Asia Content Awards ນັ້ນເອງ ແຕ່ຄວາມພິເສດໃນຄັ້ງນີ້ນອກຈາກທັງສາມຄົນຈະໄດ້ໄປຮ່ວມງານໃຫຍ່ໆແບບນີ້ ນ້ອງໆຍັງໄດ້ພົບປະນັກສະແດງຊີລີ້ດັງຈາກປະເທດເພື່ອນຂອງເຮົານຳນັ້ນກໍ່ຄື ສາວ ຝົນ , ສາວ ເບວ ແລະ ໜຸ່ມ ຕໍ່ ຈາກຊີລີ້ດັງ Hormones ນອກຈາກຈະນັກສະແດງສາມຄົນແລ້ວກໍ່ຍັງມີຜູ້ກຳກັບຂອງຊີລີ້ ພອນຮັກ ໄປຮ່ວມງານນຳຄືກັນເລີຍ ຖືວ່າເປັນການໄປຮ່ວມງານທີ່ຄົບທີມເລີຍກໍ່ວ່າໄດ້…

ໜ້າຮັກທີ່ສຸດ !! ສາວ ແຕ້ວ ນັກສະແດງໄທ ມາຮ່ວມງານທີ່ປະເທດລາວ

ຖ້າເວົ້າເຖິງດາລາໄທທີ່ຄົນລາວຕິດຕາມ ແລະ ໃຫ້ຄວາມສົນໃຈຜົນງານກໍ່ຄົງຈະໜີບໍ່ພົ້ນສາວງາມຄົນນີ້ “ແຕ້ວ” ນາງເອກລະຄອນຊ່ອງ 3 ຈາກປະເທດໄທນັ້ນເອງ ທີ່ບໍ່ດົນມານີ້ເພີ່ນກໍ່ຍັງໄດ້ມາຮ່ວມງານແບຣນສິນຄ້າດັງທີ່ປະເທດລາວອີກ ພ້ອມກັນນັ້ນຍັງບໍ່ພໍສາວຄົນນີ້ກໍ່ຍັງໄດ້ຖ່າຍຮູບໃນປະເທດລາວພ້ອມຄວາມໜ້າຮັກກັບຮອຍຍິ້ມທີ່ເບິ່ງຍາມໃດກໍ່ບໍ່ເບື່ອເລີຍ ໃຜທີ່ໄດ້ພົບສາວແຕ້ວໃນມື້ງານຫຼືຕອນໄປທ່ຽວໃນນະຄອນຫລວງວຽງຄົງຈະດີໃຈພໍສົມຄວນ. ທີມງານວົງການອິດສາເດ້

ເຂົ້າພິທີວິວາແລ້ວ !! ສຳລັບໜຸ່ມໂດມ-ສາວເມທັນໂດຍພິທີເປັນໄປແບບລຽບງ່າຍ

ແຕ່ງໄປອີກຄູ່ໜຶ່ງແລ້ວ ກັບດາລາປະເທດເພື່ອນບ້ານເຮົາ ໜຸ່ມ ໂດມ ປະກອນລຳ ໃນອາຍຸ 39 ປີ ແລະ ເມທັນ ສາວຜູ້ໂຊກດີອາຍຸ 28 ປີເຂົ້າພິທີວິວາແບບໄທໆ ໃນຊ່ວງເຊົ້າຂອງວັນທີ 10 ສິງຫາ 2019 ທີ່ຜ່ານມານີ້ ໂດຍພິທີເປັນໄປແບບລຽບງ່າຍ ເຊິ່ງກ່ອນໜ້ານີ້ທັງສອງກໍ່ໄດ້ຄົບຫາກັນດົນເຖິງ 7 ປີເລີຍ ໜຸ່ມໂດມກໍ່ໄດ້ຄຸກເຂົ່າຂໍແຕ່ງງານໃນປະເທດນິວຊີແລນຊ່ວງວັນທີ 14 ກັນຍາປີທີ່ຜ່ານມາ ສຳລັບພິທິແບບໄທໆກໍ່ມີເຈົ້າບ່າວເຈົ້າສາວ ພໍ່ແມ່ຄອບຄົວຂອງທັງສອງຝ່າຍຮ່ວມພິທີ ກ່ອນຈະຈັດງານສະຫຼອງອີກເທື່ອໜຶ່ງໃນວັນທີ 17 ສິງຫາທີ່ຈະມາເຖິງນີ້ ໃນຕີມຄອນເສີດ ບີຍອນເດິສະຕາ

ເມື່ອ Black Eyes ແລະ P Hot ແຣັບເປີ້ຈາກປະເທດໄທ ຮ່ວມງານກັນຈະເກີດຫຍັງຂຶ້ນ !!

ວົງການດົນຕີມີຂ່າວມາໃຫ້ເຮົາຕື່ນເຕັ້ນອີກແລ້ວເຊິ່ງບໍ່ແມ່ນໃຜໄກ”Black eyes”ນັ້ນເອງ ເຊິ່ງທີມງານວົງການກໍ່ເຫັນຂ່າວຄາວແລະນຳມາໃຫ້ທຸກຄົນໄດ້ຕິດຕາມເລີຍ ຫຼັາສຸດ ໜຸ່ມ ໂອລ້າ ໄດ້ອອກມາໂພສກ່ຽວກັບຂ່າວດີທີ່ຈະມີຜົນງານກັບ Rapper ຈາກລາຍການດັງຂອງປະເທດເພື່ອນບ້ານທາງຝັ່ງໄທ “P Hot” ທີ່ເປັນທັງເຈົ້າຂອງຜົນງານເພັງ Bye Bye ແລະ ເພັງ ຊຽບ ຄິດວ່າຫລາຍຄົນກໍ່ຄົງເປັນທີຮູ້ຈັກກັນດີຢູ່ແລ້ວແນ່ນອນເຊິ່ງ ທັງ2ຈະມີຜົນງານເພງຮ່ວມກັນໃຫ້ແຟນຄັບຂອງທັງຝັ່ງລາວ ແລະ ຝັ່ງໄທ ລໍຖ້າເບິ່ງຜົນງານໄດ້ເລີຍ ທີມງານວົງການເຫັນເພີ່ນບອກອີກວ່າ “ບອກໄດ້ຄຳດຽວເລີຍວ່າ ມັນແນ່ນອນແຖມຍັງມີຂ່າວຈາກວົງໃນມາອີກງານນີ້ງົບປະມານໃນການສ້າງສູງສຸດໆ” ເວົ້າໃຫ້ລຸ້ນຈົນອົດໃຈຖ້າເບິ່ງຜົນງານບໍ່ໄດ້ແລ້ວ ຈັງໃດກະຂໍເປັນກຳລັງໃຈໃຫ້ທັງ2ວົງເຮັດເພັງໃຫ້ແຟນໆໄດ້ເຫັນກັນໄວໆເດີ້ ງານນີ້ມີເຊີໄພຣ້ແນ່ນອນ ແລ້ວທີມງານວົງການຈະມາອັບເດດຂ່າວໃຫ້ທຸກຄົນຕື່ມເດີ້

“ອອນອານົງ” ອະດີດນາງສາວໄທ ຈົບຮັກ26ປີເພາະເລື່ອງມືທີ3ເປັນເຫດ!! (ມີວິດີໂອ)

ເປັນປະເດັນດຣາມ່າຂອງດາລາປະເທດເພື່ອນບ້ານເຮົາອີກແລ້ວກັບ ອອນອານົງ ນາງງາມລຸ້ນໃຫຍ່ ທີ່ມີຜົນງານໃຫ້ຕິດຕາມກັນໃນໜ້າຈໍໂທລະພາບໄທ ທີມງານວົງການເຊື່ອວ່າຄົນລາວຫຼາຍຄົນຕ້ອງຮູ້ຈັກແລະເຄີຍຕິດຕາມຜົນງານແນ່ນອນ ເຊິ່ງເພີ່ນໄດ້ອອກມາປະກາດວ່າໄດ້ຫຍ່າຮ້າງກັບຜູ້ເປັນສາມີແລ້ວ ແລະໄດ້ແຍກກັນຢູ່ ພຽງແຕ່ຢູ່ໃນບ້ານດຽວກັນປະມານ 2 ປີແລ້ວ ເຊິ່ງບັນຫາເກີດຈາກຜູ້ເປັນສາມີຂອງຕົນເອງປ່ຽນໄປແລະຕົນກໍ່ຮູ້ສຶກໄດ້ແຕ່ກໍ່ພະຍາຍາມປັບໂຕ ແກ້ໄຂ ເຂົ້າຫາກັນແຕ່ກໍ່ບໍ່ສຳເລັດ ຈົນໄດ້ຮັບຮູ້ຕາມຫຼັງວ່າມີມືທີສາມທີ່ເປັນເຫດເຮັດໃຫ້ຕ້ອງເລິກກັນ ເຊິ່ງສາວປິດສະໜາຄົນນັ້ນກໍ່ເປັນຄົນທີ່ເຮັດວຽກໃນຫ້ອງການດຽວກັນກັບຜູ້ເປັນສາມີນັ້ນເອງ ເຊິ່ງທີ່ຜ່ານຜູ້ເປັນສາມີໃຈກໍ່ບໍ່ໄດ້ຢູ່ກັບຕົນເອງແລ້ວກໍ່ເລີຍບໍ່ຢາກຢື້ໄວ້ເລີຍເລືອກຕັດສິນໃຈໃນການຢ່າຮ້າງກັນຈາກຄຳໃຫ້ສຳພາດຂອງອອນອານົງ ໄປຟັງບົດສຳພາດກັນເຕັມໆໄດ້ໃນວິດີໂອນີ້ເລີຍ ແມ້ແຕ່ຈະຮັກກັນດົນເຖິງ 26 ປີ ກໍ່ຍັງເລິກລາກັນໄດ້ອັນໃດກໍ່ບໍ່ແນ່ນອນອີ່ຫລີທຸກຄົນ ສະນັ້ນເຮົາກໍ່ຄົງເຮັດມື້ນີ້ກັບຄົນທີ່ເຮົາຮັກໃຫ້ດີທີ່ສຸດກໍ່ພໍ ທີມງານວົງການເປັນກຳລັງໃຈໃຫ້

ປະມວນພາບດາລາເພື່ອນບ້ານ(ປະເທດໄທ) ກ້າວຄົນລະກ້າວລະດົມທຶນຊ່ວຍເຫຼືອ 8 ໂຮງໝໍພາກອີສານ

ໂຄງການ ກ້າວຄົນລະກ້າວຄົງຈະບໍ່ມີໃຜບໍ່ຮູ້ຈັກແນ່ນອນ ເພາະ “ໜຸ່ມ ຕູນ ບໍດີສະແລມ” ໄດ້ຈັດໂຄງການນີ້ຂຶ້ນໃນຊ່ວງປີທີ່ຜ່ານມາທີ່ເປັນໂຄງການແລ່ນເພື່ອນການກຸສົນ ແລະປີນີ້ເອງກໍ່ຈັດໂຄງການນີ້ຂຶ້ນອີກເພື່ອນຳເງິນທີ່ໄດ້ຈາການແລ່ນໄປບໍລິຈາກໃຫ້ແກ່ 8 ໂຮງໝໍໃນພາກອີສານຂອງປະເທດໄທນັ້ນເອງ ແລະ ທາງທີມງານໄດ້ເຫັນບັນຍາກາດແລ້ວກໍ່ອົດທີ່ຈະບໍ່ນຳຮູບມາໃຫ້ທຸກຄົນໄດ້ເບິ່ງບໍ່ໄດ້ ເຊິ່ງບັນຍາກາດກໍ່ເຕັມໄປດ້ວຍຄົນໃນວົງການ ແລະ ຄວາມສົດໃສໜ້າຮັກຂອງແຕ່ລະຄົນທີ່ພ້ອມເຮັດໜ້າທີ່ດ້ວຍໃຈກັນແທ້ໆເລີຍ

ຈາກໄປຢ່າງສະຫງົບ ນ້ຳຕານ The Star5 ຫຼັງຈາກທີ່ປ່ວຍກະທັນຫັນ !!

ນ້ຳຕານ The Star5 ນັກຮ້ອງຈາກປະເທດເພື່ອນບ້ານເຮົາ ປະເທດໄທ ຫຼັງຈາກທີ່ປ່ວຍກະທັນຫັນ ມີເລືອດອອກທາງປາກ ທາງດັງ ເປັນຈຳນວນຫຼາຍຈົນຕ້ອງນຳໂຕສົ່ງໂຮງໝໍດ່ວນ ກໍ່ເຮັດໃຫ້ເປັນທີ່ຕົກໃຈຂອງຫຼາຍໆຄົນເລີຍກໍ່ວ່າໄດ້ ໝໍໄດ້ພະຍາຍາມຢື້ຊີວິດຂອງລາວໄວ້ແຕ່ກໍ່ບໍ່ສາມາດຊ່ວຍຊີວິດໄດ້ ເຮັດໃຫ້ເປັນຂ່າວດັງອີກຂ່າວໜຶ່ງທີ່ທຸກຄົນໃຫ້ຄວາມສົນໃຈແລະອອກມາໃຫ້ກຳລັງໃຈຫຼາຍພໍສົມຄວນ ແລະຫຼ້າສຸດ ນ້ຳຕານ The Star5 ໄດ້ເສຍຊີວິດຈາກໄປຢ່າງສະຫງົບທີ່ໂຮງໝໍ ສິຣິລາດ ໃນວັນທີ 14 ມິຖຸນາ 2019 ເວລາ 02:17ນາທີ ເຊິ່ງມີໝູ່ເພື່ອນໃນວົງການບັນເທິງ ແລະ ຄົນໄທຈຳນວນຫຼາຍເຂົ້າມາສະແດງຄວາມເສຍໃຈ ພ້ອມສົ່ງ ນ້ຳຕານສູ່ສະຫວັນ ຄົນລາວເຮົາເອງກໍ່ໜ້າຈະຄຸ້ນໜ້າຄຸ້ນຕາກັນຖ້າໃຜໄດ້ເບິ່ງການປະກວດ The Star ແລະ ຊິດຄອນທີ່ນ້ຳຕານຫຼິ້ນ ທາງທີມງານວົງການກໍ່ຂໍສະແດງຄວາມເສຍໃຈນຳຄືກັນ ໄພຂອງການເຈັບປ່ວຍເປັນເລື່ອງທີ່ເຮົາຄາດບໍ່ເຖິງເລີຍວ່າມັນຈະມາຮອດເຮົາມື້ໃດ ທີມງານວົງການກໍ່ຂໍໃນທຸກຄົນຈົ່ງມີສະຕິ ແລະ ຮັກສາສຸຂະພາບກັນແນ່ເດີ້

ປະເດັນໃຫຍ່ ປູ ໄປຣຍາ ແລະ ຕົ້ນຫອມ ແຕກຫັກກັນ ເພາະຜິດສັນຍາ !!! (ມີວິດີໂອ)

ເກີດເປັນປະເດັນໃຫຍ່ໃນວົງການບັນເທິງປະເທດໄທກັບປະເດັນຂອງ ສາວ ຕົ້ນຫອມ ແລະ ສາວ ປູ ໄປຣຍາ ທີ່ອອກມາເວົ້າປະເດັນການເຮັດທຸລະກິດທີ່ໄດ້ເຮັດຮ່ວມກັນໄປບໍ່ລອດ ຈົນຕົ້ນຫອມອອກມາໂຕ້ຕອບ ປູ ໄປຣຍາທີ່ໃຫ້ສຳພາດໄປກ່ອນໜ້ານີ້ ວ່າໄດ້ຖອນໂຕຈາກທຸລະກິດອາຫານເສີມຂອງ ມະຕູມ ແລະ ຕົ້ນຫອມ ແລະຍັງບອກອີກວ່າທຸກຢ່າງຄືທຸລະກິດ ບໍ່ໄດ້ເປັນໝູ່ກັນຕັ້ງແຕ່ທຳອິດແລ້ວ ໄປຟັງຂ່າວເຫດການທີ່ເກີດຂຶ້ນຈາກທາງຊ່ອງ One31 ນຳກັນ ແລະ ຫຼ້າສຸດ ເມື່ອບົດສຳພາດຖືກເຜີຍແຜ່ອອກມາຫລາຍ ຈົນເຮັດໃຫ້ຕົ້ນຫອມຕ້ອງໄດ້ອອກມາໃຫ້ສຳພາດໃນແງ່ມຸມຂອງຕົນເອງເຊັ່ນດຽວກັນ ວ່າທາງຕົ້ນຫອມເອງກໍ່ໃຫ້ ສິດ ສາວປູ ໄປຣຍາ ເລືອກວ່າຈະເປັນພຣີເຊັນເຕີ້ ຫຼືວ່າ ຈະເປັນບອສ ນັ້ນກໍ່ຄືຕ້ອງຮັບຜິດຊອບໜ້າທີ່ດູແລບໍລິສັດດ້ວຍ ເຊິ່ງ ສາວປູ ກໍ່ເລືອກທີ່ຈະເປັນບອສ ແຕ່ສາວປູກັບເຮັດຜິດສັນຍາທີ່ໄດ້ລົງນາມລາຍເຊັນນຳກັນກັບທາງບໍລິສັດ ຈຶ່ງເຮັດໃຫ້ມີການຟ້ອງຮ້ອງແລະກາຍເປັນປະເດັນໃຫຍ່ໃນຕອນນີ້ ມາຟັງບົດສຳພາດອີກມຸມໜຶ່ງຂອງສາວຕົ້ນຫອມ ເຊິ່ງເລື່ອງລາວທັງໝົດທີ່ເກີດຂຶ້ນກໍ່ຍັງເປັນປະເດັນຮ້ອນແຮງແລະຍັງບໍ່ຮູ້ວ່າຈະຈົບລົງແນວໃດ ເພາະທັງສອງກໍ່ຍັງໃຫ້ສຳພາດທີ່ແຕກຕ່າງກັນອອກໄປໃນແງ່ມຸມໃຜມັນ…

“ແມັກ​ ເຈນມະນະ” ເຈົ້າຂອງເພງ “วันหนึ่ง​ฉันเดินเข้าป่า” ຈະກັບມາລາວອີກຄັ້ງ !!! (ມີວິດີໂອ)

ຄົງຈະເປັນອີກນັກຮ້ອງໜຸ່ມຄົນໜຶ່ງຈາກປະເທດເພື່ອນບ້ານເຮົາຝັ່ງປະເທດໄທທີ່ທຸກຄົນຕ້ອງຄຸ້ນຄຸ້ນຕາແນ່ນອນ “ແມັກ ເຈນມະນະ” ເຈົ້າຂອງຜົນງານເພງດັງທີ່ມີຊື່ວ່າ “วันหนึ่ง​ฉันเดินเข้าป่า” ເຊິ່ງເພງນີ້ທີ່ເຮັດໃຫ້ໜຸ່ມຄົນນີ້ເປັນທີ່ຮູ້ຈັກຫລາຍຂຶ້ນ ຈົນດັງມາເຖິງປະເທດລາວເຮົາອີກດ້ວຍ ແລະມື້ນີ້ກໍ່ມີຂ່າວດີມາໃຫ້ທຸກຄົນໄດ້ຮັບຮູ້ກັນອີກແລ້ວ ວ່າໜຸ່ມຄົນນີ້ຈະມາປະເທດລາວອີກຄັ້ງໃນວັນທີ 26 ເມສາ 2019 ນີ້ ນັ້ນກໍ່ຄືມື້ອື່ນນີ້ແລ້ວ ທີ່ຮ້ານ ອາຫານ Retro !! ທີ່ສຳຄັນງານນີ້ເປັນງານຟຣີເດີ້ທຸກຄົນ ໃຜຢາກເຈິອ້າຍເພີ່ນຕ້ອງໄປເລີຍ ແລະນີ້ກໍ່ເປັນວິດີໂອເຊີນຊວນຈາກໜຸ່ມ ແມັກ ໃຜທີ່ມັກແລ້ວຕິດຕາມຜົນງານຕ້ອງຫ້າມພາດເລີຍເດີ້

ໃໝ່ ດາວິກາ ຕົກໃຈ!!! ແຟນຄລັບເຂົ້າມາກອດໂດຍບໍ່ໄດ້ຕັ້ງໂຕ!!(ມີຄລິບ)

ໃໝ່ ດາວິກາ ດາລາຈາກຝັ່ງປະເທດໄທ ທີ່ບໍ່ມີໃຜບໍ່ຮູ້ຈັກແນ່ນອນ ບໍ່ວ່າຈະໂດດເດັ່ນເລື່ອງຂອງການສະແດງ ຖ່າຍແບບ ເດີນແບບ ພຣີເຊັນເຕີ້ ຕ່າງໆ ແລະ ມີຜົນງານຫຼາກຫຼາຍຢ່າງໃຫ້ໄດ້ຕິດຕາມກັນຕະຫຼອດ ເຊິ່ງບໍ່ດົນມານີ້ ດາວິກາເອງໄດ້ໄປຮ່ວມງານກັບສິນຄ້າດັງ ກໍ່ຄື ສິນຄ້າຂະໜົມເລ ແຕ່ກໍ່ມີແຟນຄລັບຫຼາຍຄົນທີ່ເດີນທາງໄປຫາເພີ່ນໃນງານ. ແຕ່ທີ່ເຮັດໃຫ້ບໍ່ເປັນຕາມທີ່ຄິດກໍ່ຄື ມີຊາຍປິດສະໜາຄົນໜຶ່ງ ຫຼື ອາດຈະເປັນແຟນຄລັບຂອງເຈົ້າໂຕເອງ ທີ່ຍ່າງຂຶ້ນມາທັກທາຍເທິງເວທີພ້ອມທີ່ຈະສວມກອດ ດາວິກາ ຈົນເຮັດໃຫ້ຄົນຕົກໃຈໄປຕາມໆກັນ ແຕ່ຍັງດີທີ່ ພິທີກອນທີ່ໄຫວພິບດີ ຄື ໂອປໍ ມາຫ້າມໄວ້ໄດ້ທັນ ຈະເປັນແນວໃດລອງໄປເບິ່ງວິດີໂອພາຍໃນງານກັນ ຖືວ່າຫ້າມກັນເກືອບບໍ່ທັນເລີຍແຕ່ຍັງດີທີ່ທຸກຄົນມີສະຕິ ແລະ ທັນເຫດການ ບໍ່ວ່າດາລາຂອງປະເທດໃດເພີ່ນກໍ່ໃຫ້ຄວາມສຳຄັນແບບນີ້ຄືກັນ ເຊິ່ງການແຕະເນື້ອຕ້ອງໂຕດາລາແມ່ນຈະມີຂອບເຂດຄືກັນເດີ້