ວົງການ Vongkan : ຮູ້ທັນບັນເທີງລາວ ແລະ ສາກົນ

ຮູ້ທັນບັນເທີງລາວແລະສາກົນ

ບັນເທີງຕ່າງປະເທດ

ທີມນັກສະແດງຊີລີ້ພອນຮັກບິນໄກເຖິງ “ເກົາຫຼີ” ຮ່ວມງານ Busan Film Festival

ຖ້າເວົ້າເຖິງນັກສະແດງຊີລີ້ໄວລຸ້ນລາວ ກໍ່ຄົງຈະບໍ່ມີໃຜບໍ່ຮູ້ຈັກນັກສະແດງຈາກ ຊີລີ້ ພອນຮັກ ແນ່ນອນ ເພາະບໍ່ດົນມານີ້ນ້ອງໆນັກສະແດງຫຼັກຈາກຊີລີ້ ພອນຮັກ ສາວ ອາລິຍາ, ສາວ ສຸລິນດາ ແລະ ໜຸ່ມ ເຊີ້ ເດີນທາງໄກບິນຕົງໄປເກົາຫຼີ ປູຊານ ເປັນຕົວແທນປະເທດລາວເພື່ອຮ່ວມງານBusan Film Festival ເປັນງານປະກາດລາງວັນ Asia Content Awards ນັ້ນເອງ ແຕ່ຄວາມພິເສດໃນຄັ້ງນີ້ນອກຈາກທັງສາມຄົນຈະໄດ້ໄປຮ່ວມງານໃຫຍ່ໆແບບນີ້ ນ້ອງໆຍັງໄດ້ພົບປະນັກສະແດງຊີລີ້ດັງຈາກປະເທດເພື່ອນຂອງເຮົານຳນັ້ນກໍ່ຄື ສາວ ຝົນ , ສາວ ເບວ ແລະ ໜຸ່ມ ຕໍ່ ຈາກຊີລີ້ດັງ Hormones ນອກຈາກຈະນັກສະແດງສາມຄົນແລ້ວກໍ່ຍັງມີຜູ້ກຳກັບຂອງຊີລີ້ ພອນຮັກ ໄປຮ່ວມງານນຳຄືກັນເລີຍ ຖືວ່າເປັນການໄປຮ່ວມງານທີ່ຄົບທີມເລີຍກໍ່ວ່າໄດ້…

ໜ້າຮັກທີ່ສຸດ !! ສາວ ແຕ້ວ ນັກສະແດງໄທ ມາຮ່ວມງານທີ່ປະເທດລາວ

ຖ້າເວົ້າເຖິງດາລາໄທທີ່ຄົນລາວຕິດຕາມ ແລະ ໃຫ້ຄວາມສົນໃຈຜົນງານກໍ່ຄົງຈະໜີບໍ່ພົ້ນສາວງາມຄົນນີ້ “ແຕ້ວ” ນາງເອກລະຄອນຊ່ອງ 3 ຈາກປະເທດໄທນັ້ນເອງ ທີ່ບໍ່ດົນມານີ້ເພີ່ນກໍ່ຍັງໄດ້ມາຮ່ວມງານແບຣນສິນຄ້າດັງທີ່ປະເທດລາວອີກ ພ້ອມກັນນັ້ນຍັງບໍ່ພໍສາວຄົນນີ້ກໍ່ຍັງໄດ້ຖ່າຍຮູບໃນປະເທດລາວພ້ອມຄວາມໜ້າຮັກກັບຮອຍຍິ້ມທີ່ເບິ່ງຍາມໃດກໍ່ບໍ່ເບື່ອເລີຍ ໃຜທີ່ໄດ້ພົບສາວແຕ້ວໃນມື້ງານຫຼືຕອນໄປທ່ຽວໃນນະຄອນຫລວງວຽງຄົງຈະດີໃຈພໍສົມຄວນ. ທີມງານວົງການອິດສາເດ້

Shwan Mendes ແລະ Camila ໂຊວຮ້ອງເພງ “Señorita” ແບບແນບຊິດຈົນແຟນຄລັບອິດສາ !! (ມີວິດີໂອ)

ຜ່ານໄປແລ້ວສຳລັບງານ 2019 MTV Video Music Awards ຫຼືທີ່ຫຼາຍໆຄົນຮ້ອງກັນວ່າ MTV VMAS ເຊິ່ງຈັດຂຶ້ນໃນກາງເດືອນວັນທີ 26 ສິງຫາ 2019 ຫຼືຕາມເວລາຂອງບ້ານເຮົາກໍ່ຈະເປັນວັນທີ 27 ສິງຫາ 2019 ເຊິ່ງງານນີ້ເພງ “Señorita” ກໍ່ຄ້ວາລາງວັນ Best Collabration ແລະ Best Cinematography ໃນສ່ວນຂອງມິວສິກ ວິດີໂອ Taylor Swift , Ariana Grande , Billie Eilish ລວມທັບສິນລະປິນຮັບລາງວັນ MTV VMAS 2019 ນອກຈາກຈະຮັບລາງວັນແລ້ວ…

ເຂົ້າພິທີວິວາແລ້ວ !! ສຳລັບໜຸ່ມໂດມ-ສາວເມທັນໂດຍພິທີເປັນໄປແບບລຽບງ່າຍ

ແຕ່ງໄປອີກຄູ່ໜຶ່ງແລ້ວ ກັບດາລາປະເທດເພື່ອນບ້ານເຮົາ ໜຸ່ມ ໂດມ ປະກອນລຳ ໃນອາຍຸ 39 ປີ ແລະ ເມທັນ ສາວຜູ້ໂຊກດີອາຍຸ 28 ປີເຂົ້າພິທີວິວາແບບໄທໆ ໃນຊ່ວງເຊົ້າຂອງວັນທີ 10 ສິງຫາ 2019 ທີ່ຜ່ານມານີ້ ໂດຍພິທີເປັນໄປແບບລຽບງ່າຍ ເຊິ່ງກ່ອນໜ້ານີ້ທັງສອງກໍ່ໄດ້ຄົບຫາກັນດົນເຖິງ 7 ປີເລີຍ ໜຸ່ມໂດມກໍ່ໄດ້ຄຸກເຂົ່າຂໍແຕ່ງງານໃນປະເທດນິວຊີແລນຊ່ວງວັນທີ 14 ກັນຍາປີທີ່ຜ່ານມາ ສຳລັບພິທິແບບໄທໆກໍ່ມີເຈົ້າບ່າວເຈົ້າສາວ ພໍ່ແມ່ຄອບຄົວຂອງທັງສອງຝ່າຍຮ່ວມພິທີ ກ່ອນຈະຈັດງານສະຫຼອງອີກເທື່ອໜຶ່ງໃນວັນທີ 17 ສິງຫາທີ່ຈະມາເຖິງນີ້ ໃນຕີມຄອນເສີດ ບີຍອນເດິສະຕາ

“Khalid” ນັກຮ້ອງໜຸ່ມປະກາດຈັດຄອນເສີດຊ່ວຍເຫຼືອເຫຍື່ອທີ່ຖືກຍິງໃນຫ້າງ Walmart

ຈາກເຫດການຍິງຄົນໃນຫ້າງຊັບພະສິນຄ້າ Walmart ທີ່ຕັ້ງຢູ່ໃນເມືອງ El Paso ລັດເທັກຊັສ ສະຫະລັດອາເມຣິກາ ໃນວັນເສົາ ທີ3 ສິງຫາ 2019 ທີ່ຜ່ານມາ ແລະ ເຮັດໃຫ້ມີຜູ້ເສຍຊີວິດຈຳນວນ 22 ຄົນແລະບາດເຈັບອີກປະມານ 24 ຄົນ ເຊິ່ງຂະນະນີ້ທາງການແລະຄົນທົ່ວສະຫະລັດ ກຳລັງຫາທາງຊ່ວຍເຫຼືອກັນນັ້ນ ນັກຮ້ອງໜຸ່ມ Kalid ໜຸ່ມສຽງດີອາຍຸ 21 ປີທີ່ເປັນຄົນອາໃສຢູ່ໃນເມືອງນີ້ເຊັ່ນກັນ ກໍ່ໄດ້ຂຽນລົງໃນທະວິດເຕີ້ທີ່ມີຂໍ້ຄວາມບອກວ່າ ຕອນນີ້ກຳລັງວາງແຜນທີ່ຈະຈັດຄອນເສີດລະດົມທຶນເພື່ອຊ່ວຍເຫຼືອຄອບຄົວທີ່ໄດ້ຮັບຜົນກະທົບຈາກເຫດການໃນຄັ້ງນີ້ ໂດຍລາຍໄດ້ທັງໝົດກໍ່ຈະມອບໃຫ້ກັບຄອບຄົວຜູ້ທີ່ໄດ້ຮັບຜົນກະທົບອີກດ້ວຍ ຖືວ່າເປັນຂ່າວດີທີ່ຫນ້າຊື່ນຊົມຄວາມກ້າຫານແລະມີນ້ຳໃຈຂອງໜຸ່ມຄົນນີ້ເລີຍ ສ່ວນຄອນເສີດແມ່ນຈະຈັດຂື້ນໃນມື້ໃດກໍ່ຖ້າຕິດຕາມກັນອີກເທື່ອໜຶ່ງເດີ້

“Travis scot”ເຊີໄພຣ້ຈັດໃຫຍ່ວັນເກີດ “Kylie Jenner”ດ້ວຍກຸຫຼາບເຕັມບ້ານ!!! (ມີວິດີໂອ)

ເລີດກວ່ານີ້ມີອີກບໍ່ສຳລັບສາວ Kylie Jenner ດາລາຄົນດັງທີ່ບໍ່ວ່າຈະເຮັດຫຍັງກໍ່ໂດດເດັ່ນໄປໝົດ ແຖມຕອນນີ້ນາງກໍ່ມີລູກສາວທີ່ໜ້າຮັກ ແລະ ສາມີທີ່ດີເກີນນນຈົນທຸກຄົນຕ້ອງອິດສາ ເພາະຫຼ້າສຸດນີ້ ເນື່ອງຈາກວ່າໃກ້ຈະເຖິງວັນເກີດຂອງ Kylie Jenner ແລ້ວນັ້ນເອງ ແຕ່ສາມີບໍ່ໄດ້ປ່ອຍໃຫ້ວັນພິເສດແບບນີ້ເສຍໄປຫຼ້າໆ ແຕ່ເຊີໄພຣ້ຜູ້ເປັນພັນລະຍາແບບຊຸດໃຫຍ່ເລີຍ. ວັນທີ 5 ສິງຫາ 2019ທີ່ຜ່ານມາດາລາສາວ21ປີ Kylie Jenner ຕື່ນມາແລ້ວພົບວ່າທັງບ້ານເຕັມໄປດ້ວຍດອກກຸຫຼາບປົກຄຸມທົ່ວພຶ້ນບ້ານ ແລະນີ້ກໍ່ເປັນເຊີໄພຣ້ຈາກສາມີນັ້ນເອງ Kylie Jenner ຍັງໄດ້ແຊຣວິດີໂອສຸດຫວານອວດຊາວໂຊຊ້ຽວລົງໃນອິນສະຕາແກຣມພ້ອມໃສ່ແຄັບຊັ່ນປະມານວ່າ :” ບ້ານຂອງຕົນເອງນັ້ນເຕັມໄປດ້ວຍດອກກຸຫຼາບ ຂະໜາດນີ້ຍັງບໍ່ຮອດມື້ວັນເກີດຂອງຕົນເອງເທື່ອຊ້ຳ ” ພ້ອມກັບແທັກສາມີຂອງຕົນເອງ ແລະໃນວິດີໂອກໍ່ຍັງມີກາດຄຳອວຍພອນທີ່ໜ້າຮັກສຸກສັນວັນເກີດ ແລະ ບອກຮັກກັນອີກດ້ວຍຖືວ່າເປັນຫຍັງທີ່ໜ້າຮັກຫຼາຍ ທີມງານວົງການເຫັນລະອິດສາເດ້ເພາະເປັນຜູ້ຍິງທີ່ໜ້າອິດສາສຸດໆເລີຍ

ເຂົ້າພິທີວິວາ ຍິງຮັກຍິງ ສຳລັບດາລາສາວ “Cara Delevingne ແລະ Ashley Benson”

ມາເບິ່ງຂ່າວດີຈາກຝັ່ງຢູໂຣບກັນແນ່ ກັບຂ່າວດີແຕ່ງງານຂອງດາຣານາງແບບສາວ Cara Delevingne ແລະ Ashley Benson ຜູ້ເປັນຄູ່ຮັກ ບອກເລີຍວ່າສອງຄົນນີ້ເປັນຄູ່ຮັກທີ່ບໍ່ຄ່ອຍຈະອອກສື່ໃຫ້ເຮົາເຫັນຫຼາຍປານໃດ ເຊິ່ງທັງສອງຄົນກໍ່ຍັງອອກເດດກັນແບບລັບໆມາດົນກວ່າໜຶ່ງປີ ກ່ອນທີ່ Caraເອງຈະອອກມາປະກາດຜ່ານທາງວິດີໂອທີ່ທັງສອງຄົນຈູບກັນໃນເດືອນມິຖຸນາທີ່ຜ່ານມາ ຈົນຫຼ້າສຸດທັງສອງຄົນກໍ່ມີຂ່າວນີ້ອອກມາບອກໃຫ້ທຸກຄົນຮັບຮູ້ນຳກັນ ເມື່ອທາງສື່ຂ່າວຕ່າງປະເທດລາຍງານວ່າ Cara Delevingne ແລະ Ashley Benson ໄດ້ເຂົ້າພິທີວິວາກັນເປັນທີ່ຮຽບຮ້ອຍແລ້ວ ງານວິວາຂອງທັງສອງຄົນຖືກຈັດຂຶ້ນແບບງຽບໆທີ່ Las Vegas ໃນຕີມງານ Elvis ແລະ ທາງສື່ຍັງໄດ້ຍິນມາວ່າຄ່າຈັດງານພຽງແຕ່ 245ປອນ ເທົ່ານັ້ນ ຄັ້ງນີ້ບໍ່ແມ່ນຂ່າວລືແບບທີ່ຜ່ານມາແນ່ນອນ (ລືວ່າທັງສອງຄົນໝັ້ນກັນ) ເພາະມີ Charlize Theron, Sophie Turner ແລະ ສອງພີ່ນ້ອງ Jonas ເຂົ້າຮ່ວມພິທີເປັນສັກຂີພະຍານອີກດ້ວຍ…

ລວມກອງທັບນັກສະແດງດັງຮ່ວມເປິດໂຕຮູບເງົາເລື່ອງໃໝ່ຂອງ Marvel !!

ມາເວລ ຂົນກອງທັບນັກສະແດງດັງຮ່ວມເປິດໂຕຮູບເງົາໃໝ່ໃນເຟສທີ4ໃນງານ Comic con 2019 ຫຼັງຈາກທີ່ຜົນງານປະສົບຜົນສຳເລັດມາຕັ້ງແຕ່ເຟສ1 ໃນປີ 2018 ມາຈົນຮອດປັດຈຸບັນທີ່ມາພ້ອມສະຖິຕິໃໝ່ນັ້ນກໍ່ຄື Avenger 4 ຫຼື Avenger : Endgame ທີ່ສາມາດສ້າງລາຍໄດ້ແຊງໜ້າ Avatar ຂຶ້ນເປັນຮູບເງົາສ້າງລາຍໄດ້ຫຼາຍທີ່ສຸດໃນໂລກສຳເລັດ ເຊິ່ງໃນງານນັ້ນມາເວລເລີ່ມຕົ້ນຮູບເງົາຊຸດ The Eternals ນຳທີມໂດຍ ຣິຊາດ ແມດເດນ ແລະ ແອງເຈລີນາ ໂຈລີ ທີ່ມີກຳນົດສາຍໃນວັນທີ 6 ພິຈິກ 2020 ແລະ ນຳມາດ້ວຍຮູບເງົາກັງຟູ ເອເຊຍເລື່ອງລາວຂອງມາເວລ : Shang-Chi and the Legend of…

ພົບກັນປະເທດລາວ “Slot Machine” ຄອນເສີດທີ່ມາພ້ອມຄວາມມັນໃຫ້ຄົນລາວ ເຕັມທີ່ !!

ນັກຮ້ອງໄທຄົນໃດທີ່ຄົນລາວເຮົາຕິດຕາມແນ່ ແຕ່ມື້ນີ້ທີມງານຈະພາທຸກຄົນມາຕຽມພ້ອມກັບວົງດົນຕີທີ່ຈະມາຫຼິ້ນໃນລາວອີກຄັ້ງນັ້ນກໍ່ຄື “Slot Machine” ເຈົ້າຂອງເພງດັງຫຼາຍໆເພງບໍ່ວ່າຈະເປັນ ” รอ , ผ่าน , เคลิ้ม , ฝัน , จันทร์เจ้า , (Goodbye)” ແລະແນ່ນອນງານນີ້ Slot Machine ຈະມາປະເດີມຄວາມມ່ວນຄວາມມັນໃຫ້ທຸກຄົນ ຄົນລາວໄດ້ເຕັ້ນໄດ້ໂຢກໄປນຳກັນກັນຄອນເສີດທີ່ຈະຈັດຂຶ້ນໃນວັນທີ 28 ສິງຫາ 2019 ນີ້ທີ່ຮ້ານ ໂກດັງ ພ້ອມກັນນັ້ນກໍ່ຍັງມີການເລີ່ມເປິດຈອງໂຕະໃຫ້ໄດ້ເປັນເຈົ້າຂອງແລ້ວ ສ່ວນໃຜທີ່ຢາກໄປມ່ວນນຳກັນ ຫຼື ມັກວົງດົນຕີວົງນີ້ຢູ່ແລ້ວຢ່າລຶມໄປເຈິກັນຢູ່ງານເດີ້ ລາຍລະອຽດເພີ່ມເຕີມສາມາດເບິ່ງໄດ້ໃນ FB Page : ໂກດັງ Go DunK

“ອອນອານົງ” ອະດີດນາງສາວໄທ ຈົບຮັກ26ປີເພາະເລື່ອງມືທີ3ເປັນເຫດ!! (ມີວິດີໂອ)

ເປັນປະເດັນດຣາມ່າຂອງດາລາປະເທດເພື່ອນບ້ານເຮົາອີກແລ້ວກັບ ອອນອານົງ ນາງງາມລຸ້ນໃຫຍ່ ທີ່ມີຜົນງານໃຫ້ຕິດຕາມກັນໃນໜ້າຈໍໂທລະພາບໄທ ທີມງານວົງການເຊື່ອວ່າຄົນລາວຫຼາຍຄົນຕ້ອງຮູ້ຈັກແລະເຄີຍຕິດຕາມຜົນງານແນ່ນອນ ເຊິ່ງເພີ່ນໄດ້ອອກມາປະກາດວ່າໄດ້ຫຍ່າຮ້າງກັບຜູ້ເປັນສາມີແລ້ວ ແລະໄດ້ແຍກກັນຢູ່ ພຽງແຕ່ຢູ່ໃນບ້ານດຽວກັນປະມານ 2 ປີແລ້ວ ເຊິ່ງບັນຫາເກີດຈາກຜູ້ເປັນສາມີຂອງຕົນເອງປ່ຽນໄປແລະຕົນກໍ່ຮູ້ສຶກໄດ້ແຕ່ກໍ່ພະຍາຍາມປັບໂຕ ແກ້ໄຂ ເຂົ້າຫາກັນແຕ່ກໍ່ບໍ່ສຳເລັດ ຈົນໄດ້ຮັບຮູ້ຕາມຫຼັງວ່າມີມືທີສາມທີ່ເປັນເຫດເຮັດໃຫ້ຕ້ອງເລິກກັນ ເຊິ່ງສາວປິດສະໜາຄົນນັ້ນກໍ່ເປັນຄົນທີ່ເຮັດວຽກໃນຫ້ອງການດຽວກັນກັບຜູ້ເປັນສາມີນັ້ນເອງ ເຊິ່ງທີ່ຜ່ານຜູ້ເປັນສາມີໃຈກໍ່ບໍ່ໄດ້ຢູ່ກັບຕົນເອງແລ້ວກໍ່ເລີຍບໍ່ຢາກຢື້ໄວ້ເລີຍເລືອກຕັດສິນໃຈໃນການຢ່າຮ້າງກັນຈາກຄຳໃຫ້ສຳພາດຂອງອອນອານົງ ໄປຟັງບົດສຳພາດກັນເຕັມໆໄດ້ໃນວິດີໂອນີ້ເລີຍ ແມ້ແຕ່ຈະຮັກກັນດົນເຖິງ 26 ປີ ກໍ່ຍັງເລິກລາກັນໄດ້ອັນໃດກໍ່ບໍ່ແນ່ນອນອີ່ຫລີທຸກຄົນ ສະນັ້ນເຮົາກໍ່ຄົງເຮັດມື້ນີ້ກັບຄົນທີ່ເຮົາຮັກໃຫ້ດີທີ່ສຸດກໍ່ພໍ ທີມງານວົງການເປັນກຳລັງໃຈໃຫ້