ວົງການ Vongkan : ຮູ້ທັນບັນເທີງລາວ ແລະ ສາກົນ

ຮູ້ທັນບັນເທີງລາວແລະສາກົນ

ບັນເທີງລາວ

ສ່ອງ “ລັດຕະນາ ໝັ້ນວີໄລ” ຮອງອັນດັບ 2 Miss Universe Laos 2019 ຄວາມງາມໂດດເດັ່ນ !!

ສາວງາມອີກຄົນໜຶ່ງ “ລັດຕະນາ ໝັ້ນວີໄລ” ທີ່ບໍ່ເວົ້າເຖິງຄົງເປັນໄປບໍ່ໄດ້ກັບວ່າທີ່ຮອງອັນດັບສອງ Miss Universe Laos 2019 ທີ່ງາມທັງໜ້ງຕາແລະພຽບພ້ອມທັງຄວາມສາມາດເຂົ້າປະກວດເວທີນີ້ຈົນເຮັດໃຫ້ຄວ້າຕຳແໜ່ງຮອງອັນດັບສອງໄປຄອງຈົນໄດ້ “ລັດຕະນາ ໝັ້ນວີໄລ” ເປັນຄົນໜຶ່ງທີ່ມີຜົນງານການເດີນແບບ ການປະກວດຈາກເວທີໃຫຍ່ຫຼາຍໆເວທີ ແລະ ມີປະສົບການໃນວົງການບັນເທິງມາ ທັງການປະກວດໃນເວທີ Laos Supermodel ເຄີຍສະແດງຮູບເງົາມາແລ້ວ ແລະ ຕໍ່ໄປສາວຄົນນີ້ຈະມີຜົນງານຫຍັງໃໝ່ໆມາໃຫ້ເຮົາໄດ້ຕິດຕາມກັນຕ້ອງຖ້າເບິ່ງນຳກັນເດີ້

“ເມ ວິຈິດຕາ” ວ່າທີ່ Miss Universe Laos 2019 ຄົນໃໝ່ຂອງປະເທດລາວ!!

ງານຈົບແຕ່ຄວາມດີໃຈຍັງບໍ່ຈົບ ຫຼັງຈາກທີ່ມີການປະກວດ Miss Univere Laos 2019 ໃນຄ່ຳຄືນວັນທີ 24 ສິງຫາ 2019ທີ່ຜ່ານມາ ຫຼາຍໆຄົນກໍ່ຄົງຈັບຕາເບິ່ງ ແລະ ໃຫ້ຄວາມສົນໃຈກັບງານປະກວດພໍສົມຄວນ ເພາະເປັນເວທີທີ່ຈະຫາສາວງາມທີ່ພຽບພ້ອມທັງໃບໜ້າ , ວາຈາ ແລະ ຄວາມສາມາດ ເຊິ່ງກໍ່ມີສາວງາມຫຼາຍຄົນທີ່ເບິ່ງແລ້ວກໍ່ໂດດເດັ່ນບໍ່ແພ້ກັນ ເຊິ່ງໃນທີ່ສຸດເຮົາກໍ່ໄດ້ຄຳຕອບແລ້ວຫຼັງຈາກທີ່ລຸ້ນກັນມາດົນວ່າໃຜທີ່ເໝາະສົມກັບຕຳແໜ່ງນີ້ທີ່ສຸດ ແລະ Miss Universe laos 2019 ກໍ່ໄດ້ແກ່ສາວ ເມ ວິຈິດຕາ ທີ່ສາມາດຄົ້ນມົງກຸດໄປຄອງ ເຊິ່ງສາວຄົນນີ້ກໍ່ເປັນສາວງາມທີ່ພຽບພ້ອມ ແລະ ຕ້ອງຕາກຳມະການທີ່ສຸດກໍ່ວ່າໄດ້ ເມ ວິຈິດຕາ ເປັນສາວງາມທີ່ໜ້າຈັບຕາເບິ່ງຫຼາຍແລະເຄີຍມີປະສົບການການເດີນແບບມາແລ້ວຫຼາຍເວທີ ເຊິ່ງປະສົບການ ແລະ ການກຽມຄວາມພ້ອມໃນເວທີໂລກຕໍ່ໄປ ກໍ່ຫວັງວ່າເພີ່ນຄົງຈະເຮັດເຕັມທີ່ແນ່ນອນ ສ່ວນເຮົາເອງທີ່ເປັນຄົນລາວກໍ່ສະໜັບສະໜຸນແລະເປັນກຳລັງໃຈໃຫ້ສາວຄົນນີ້ແນ່ເດີ້

ເປີດໂຕໂສມໜ້າຜູ້ເຂົ້າປະກວດ Miss World Laos 2019 ຮອບ20ຄົນສຸດທ້າຍແລ້ວ !!

ເວທີນາງງາມທີ່ເຮົາຈະພາດບໍ່ໄດ້ກໍ່ຄົງຈະເປັນເວທີ Miss World Laos ທີ່ເປັນອີກໜຶ່ງເວທີທີ່ໃຫ້ສາວໆໄດ້ສະແດງສັກກະຍະພາບ ແລະ ຄວາມສາມາດຂອງຕົນເອງໃຫ້ປະຊາຊົນລາວ ແລະ ກຳມະການໄດ້ຊື່ນຊົມເພື່ອເປັນໂຕແທນການປະກວດເວທີອັນຊົງກຽດນີ້ໃນເວທີໂລກ ເຊິ່ງຄວາມງາມຂອງສາວລາວກໍ່ຍັງຄົງເອກກະລັກຄວາມອ່ອນຫວານ ແລະ ມີຄວາມໂດດເດັ່ນທີ່ແຕກຕ່າງກັນ ມື້ນີ້ທີມງານວົງການກໍ່ໄດ້ນຳພາບສາວງາມຈາກທົ່ວປະເທດທີ່ສະໝັກເຂົ້າປະກວດແລະຜ່ານເຂົ້າຮອບ20ຄົນສຸດທ້າຍ ເພື່ອຈະໄປປະກວດໃນຮອບສຸດທ້າຍເພື່ອຊິງມົງກຸດໃນວັນທີ 19 ກັນຍາ 2019 ນີ້ມາໃຫ້ທຸກຄົນໄດ້ເບິ່ງກັນກ່ອນ ສາວໆຈະງາມຊ່ຳໃດ ແລະ ຈະມີໃຜແດ່ນັ້ນເຮົາລອງໄປເບິ່ງພ້ອມໆກັນເລີຍ ແຕ່ລະຄົນຄວາມງາມບໍ່ມີໃຜຍອມໃຜເລີຍ ສ່ວນທາງບ້ານ ມັກໃຜ ເຊຍໃຜ ຝາກຕິດຕາມແລະເປັນກຳລັງໃຈໃຫ້ນ້ອງໆທັງ 20 ໝາຍເລກແດ່ເດີ

ໃຜຈະເປັນ 20 ຄົນສຸດທ້າຍທີ່ເຂົ້າຮອບຕໍ່ໄປກັບສາວໆຜູ້ເຂົ້າປະກວດ Miss Teen Laos ປີນີ້ !!

ເວທີທີ່ຈະຄົ້ນຫາດາວດວງໃໝ່ Miss Teen Laos ທີ່ຄັດເລືອກຫາສາວນ້ອຍທີ່ໜ້າຮັກມາລວມໂຕກັນຢູ່ໃນນີ້ກໍ່ວ່າໄດ້ ເຊິ່ງທີມງານວົງການເອງກໍ່ໄດ້ນຳພາບທັງ40ສາວງາມໄວຫນຸ່ມລາວຜູ້ເຂົ້າປະກວດທີ່ຈະຄັດເລືອກໃຫ້ເຫຼືອພຽງ20 ຄົນສຸດທ້າຍ ໃນວັນອາທິດ ທີ 25/08/2019ເວລາ 13:00-16:00ໂມງທີ່ສູນການຄ້າລາວໄອເຕັກຕຶກເກົ່າ ເຮົາລອງໄປເບິ່ງກັນວ່າສາວໆທັງ 40 ຄົນຈະຫນ້າຮັກຊ່ຳໃດ ແລະ ຢ່າລຶມເຊຍແລະໃຫ້ກຳລັງໃຈນ້ອງໆແນ່ເດີ້ ໃຜຈະເປັນ 20 ຄົນສຸດທ້າຍທີ່ເຂົ້າຮອບຕໍ່ໄປກັບສາວໆຜູ້ເຂົ້າປະກວດ Miss Teen Laos ປີນີ້ ຢ່າລືມມາໃຫ້ກຳລັງໃຈສາວໆຫລາຍເດີ້ຮອບຕັດສິນວັນອາທິດ ວັນທີ 08/09/2019 ທີ່ສູນການຄ້າລາວໄອເຕັກເວລາ 16:00-20:00ໂມງ

“ນຸ້ຍ ສຸພາພອນ” ຮ່ວມເປັນກຳມະການ ແລະ ໃຫ້ກຳລັງໃຈຜູ້ເຂົ້າປະກວດ Miss Universe laos 2019 ທັງ 30 ຄົນ

ຫຼັງຈາກທີ່ຄັດເລືອກຜູ້ເຂົ້າປະກວດໄດ້ຄົບທັງ 30 ຄົນແລ້ວ ຕໍ່ໄປກໍ່ຄົງເປັນການຄົ້ນຫາ ແລະ ພັດທະນາສາວງາມແຕ່ລະຄົນເພື່ອຮອບຄັດເລືອກສຸດທ້າຍນັ້ນເອງ ແລະ ຄົນທີ່ຈະບໍ່ມາເທຣນໃຫ້ນ້ອງໆກໍ່ຄົງຈະເປັນໃຜບໍ່ໄດ້ນອກຈາກສາວ ນຸ້ຍ ສຸພາພອນ Miss Universe laos 2017 ທີ່ເປັນສາວງາມຈາກເວທີ Miss Universe Laos ທີ່ມີປະສົບການ ແລະ ປະສົບຜົນສຳເລັດພໍສົມຄວນ ເຊິ່ງ ສາວ ນຸ້ຍກໍ່ໄດ້ມາໃຫ້ຄຳແນະນຳກັບນ້ອງໆ ແລະ ຮ່ວມເປັນກຳມະການກັບຫຼາຍໆຄົນບໍ່ວ່າຈະເປັນຊ່າງແຕ່ງຫນ້າມືທອງ ເຈົ້າຂອງແບຣນເສື້ອຜ້າຊື່ດັງ ແລະ ຜູ້ໃຫຍ່ຫຼາຍໆຄົນ ແຕ່ທີ່ທີມງານວົງການເຫັນແລ້ວຕ້ອງສະດຸດໃຈຈົນຕ້ອງເລື່ອນກັບມາເບິ່ງຮູບອີກກໍ່ຄົງເປັນຄວາມງາມຂອງສາວນຸ້ຍທີ່ນັບມື້ນັບງາມຈົນບໍ່ມີບ່ອນຕິເລີຍ ແລະ ງານນີ້ການປະກວດແມ່ນໃຜຈະໄດ້ຄອບຄອງມົງກຸດ ແລະ ເປັນໂຕແທນໄປປະກວດ Miss Universe 2019 ເຮົາຕ້ອງຕິດຕາມກັນໄວໆນີ້

ຕື່ນເຕັ້ນ !!! ກັບສາວງາມຈາກ Alist ຈະມີໂປຣເຈັກໃໝ່ໃຫ້ຕິດຕາມອີກແລ້ວ!!

ເທື່ອນີ້ເຮົາລອງມາເອົາໃຈໜຸ່ມໆແນ່ ເຊິ່ງທີມງານວົງການກໍ່ເຫັນຂ່າວຄາວມາວ່າສາວໆຈາກສັງກັດ Alist ຈະມີໂປຣເຈັກໃໝ່ໃຫ້ເຮົາໄດ້ຕິດຕາມກັນນັ້ນກໍ່ຄື 6 Princess ນັ້ນເອງ ເຊິ່ງກໍ່ຈະມີສາວ ບາບີ້ , ສາວ ເມລະອອງ, ສາວ ແກ້ວຕາ, ສາວ ຕານ້ອຍ, ສາວ ສຸດາ , ສາວ ຟີຟ້າ ແລະ ສັງກັດ Alist ກໍ່ໄດ້ປ່ອຍພາບເບື້ອງຫຼັງຂອງສາວໆໃຫ້ໄດ້ເຫັນກັນເປັນນ້ຳຈິ້ມກ່ອນ ສ່ວນໂປຣເຈັກນີ້ຈະແມ່ນໂປຣເຈັກທີ່ສາວໆຈະເຮັດຫຍັງເຮົາຕ້ອງມາຖ້າຕິດຕາມໄປພ້ອມໆກັນເລີຍເດີ້

ໃຜເລີດກວ່າໃຜ ສ່ອງຄວາມງາມຄວາມເດັ່ນຂອງດາລາລາວໃນງານ Lao Supermodel 2019 ທີ່ຜ່ານມາ !!

ກັບມາສ່ອງຄວາມເລີດຄວາມຫຼູຫຼາຂອງດາລາໃນວົງການບັນເທິງທີ່ມາຮ່ວມງານ Laos Supermodel 2019 ໃນຄ່ຳຄືນທີ່ຜ່ານມາກັນເລີຍວ່າມີໃຜແນ່ເລີດໆປັງໆ ມື້ນີ້ທີມງານວົງການກໍ່ໄດ້ລວມຮູບມາໃຫ້ທຸກຄົນໄດ້ເບິ່ງກັນວ່າຈະມີໃຜແນ່ນັ້ນເຮົາລອງໄປເບິ່ງພ້ອມໆກັນເລີຍ

ຊ່ອງຄວາມງາມຜູ້ເຂົ້າຮອບການປະກວດ Miss Universe Laos 2019 ທັງ30ຄົນ ໃນຊຸດຜ້າໄຫມລາວ !!

ເປີດຕົວມາໄດ້ໄລຍະໜຶ່ງແລ້ວ ສຳລັບນ້ອງນາງສາວງາມທັງ 30 ຄົນສຸດທ້າຍໃນການປະກວດ Miss Universe Laos 2019 ເຊິ່ງໃນນີ້ກໍມີຫຼາຍຄົນທີ່ເປັນທີ່ຕ້ອງຕາຂອງບັນດາແຟນນາງງາມ ແລະ ມີການຄາດຄະເນກັນໄປຕ່າງໆນານາວ່າ ອາດຄວ້າມຸງກຸດມາຄອງໄດ້. (10 ສິງຫາ 2019) ຮູບພາບຜູ້ເຂົ້າປະກວດທັງ 30 ຄົນອອກມາ ເຊິ່ງທັງ 30 ສາວໄດ້ມາໃນຊຸດໄໝລາວ ບົ່ງບອກວັດທະນະທຳການນຸ່ງຖືຂອງແມ່ຍິງລາວ ທີ່ສືບຕໍ່ປະຕິບັດກັນມາແຕ່ບູຮານນະການ. ເຮົາລອງໄປໄລ່ລຽງນຳກັນເບິ່ງເລີຍວ່າທັງ30ສາວງາມຈະມີໃຜທີ່ຖືກໃຈທ່ານແລະກຳລັງເຊຍຢູ່ ປັດຈຸບັນ ການປະກວດກຳລັງຢູ່ໃນຂັ້ນຕອນຂອງການເກັບໂຕ ແລະ ຈະມີການປະກວດຮອບຕັດສິນໃນຄໍ່າຄືນຂອງວັນທີ 22-24 ສິງຫາ 2019 ນີ້ ທີ່ໂຮງແຮມແລນມາກ ແມ່ຂອງ ຣີເວີໄຊ ນະຄອນຫຼວງວຽງຈັນ, ຖ້າລຸ້ນນຳກັນວ່າ ນ້ອງສາວຜູ້ເຂົ້າປະກວດຄົນໃດຈະໄດ້ເປັນຕົວແທນປະເທດລາວໄປຊິງມຸງກຸດ Miss Universe…

ສະແດງລະຄອນເວທີໄກເຖິງປະເທດໄທແລ້ວ ສຳລັບ ໜຸ່ມ ວິນລີ້ ແລະ ສາວ ຄຣິສຕິນ່າ!!!

ເຫັນໜ້າເຫັນຕາສະຫຼອດເລີຍຄູ່ນີ້ ມີຜົນງານມາໃຫ້ແຟນໆໄດ້ຕິດຕາມຕະຫຼອດຄົງຈະເປັນໃຜບໍ່ໄດ້ນອກຕາກ ໜຸ່ມວິນລີ້ ແລະ ສາວ ຄຣິສຕິນ່າ ຈາກສັງກັດກ້າວໜ້ານັ້ນເອງ ແລະ ຫຼ້າສຸດທັງສອງກໍ່ພວງຄູ່ກັນມີຜົນງານທາງຝັ່ງປະເທດເພື່ອນບ້ານອີກແລ້ວກັບຜົນງານສະແດງລະຄອນເວທີທີ່ປະເທດໄທ “Into The Woods”ໃນວັນທີ 1-2 ສິງຫາທີ່ຜ່ານມາ ທີ່ໄດ້ໂພສຮູບບັນຍາກາດຕອນທີ່ຝຶກສອບແລະກະກຽມກັນໃຫ້ທຸກຄົນໄດ້ເຫັນໃນເຟສບຸກສ່ວນໂຕ ແລະ ທີ່ສຳຄັນກໍ່ຄົງຈະເປັນຄູສອນຈາກຝັ່ງປະເທດໄທທີ່ໃຫ້ການຝືກສອບທັງສາວ ຄຣິສຕິນ່າ ແລະ ໜຸ່ມວິນລີ້ເພື່ອກຽມຄວາມພ້ອມໃນການສະແດງອີກດ້ວຍ ຕ້ອງສະແດງຄວາມຍິນດີນຳທັງສອງຄົນທີ່ໂກອິນເຕີ້ໄປອີກລະດັບໜຶ່ງ ໃຜທີ່ເປັນແຟນຄລັບຂອງທັງ 2 ຄົນ ກໍ່ສາມາດຕິດຕາມຜົນງານເພີ່ນໄດ້ ແລະ ທີມງານວົງການກໍ່ຈະມາອັບເດດຂ່າວໃຫ້ທຸກຄົນໄດ້ເບິ່ງເລື້ອຍໆເດີ້

ເສຍນ້ຳຕາໄປນຳ “ໄຮ້ດຽງສາ” ຜົນງານຈາກອາລຸນ້າໄດ້ນັກສະແດງຝີມືດີມາຖ່າຍທອດເອັມວີ !!!

ຫຼັງຈາກປ່ອຍຜົນງານເພງເຕັມອອກມາພ້ອມກັບຕົວຢ່າງຂອງເອັມວີ ທີ່ໄດ້ຮ່ວມຮ້ອງຄູ່ກັນໜຸ່ມ ໂອລ້າ Black eyes ມື້ນີ້ສາວອາລຸນ້າກໍ່ປ່ອຍຜົນງານເອັມວີເຕັມໃຫ້ເຮົາໄດ້ເບິ່ງກັນແລ້ວ ເຊິ່ງເນື້ອຫາເພງທຸກຄົນກໍ່ຄົງຈະຮູ້ແລ້ວວ່າເວົ້າເຖິງເລື່ອງຂອງຄວາມໄຮ້ດຽງສາຂອງຄວາມຮັກຂອງໜຸ່ມສາວ ໂດຍບົດເພງນີ້ນັກສະແດງກໍ່ໄດ້ຖືກຖ່າຍທອດອາລົມອອກມາດ້ວຍສອງນັກສະແດງມາກຄວາມສາມາດສາວ ມິມີ່ Miss International Laos 20 ແລະໜຸ່ມຫຼໍ່ Olivier Souligno ເຊິ່ງບົດບາດທີ່ຖ່າຍທອດອອກມາດ້ວຍນັກສະແດງທັງສອງຄົນທີ່ສະແດງເປັນຄູ່ຮັກກໍ່ເຮັດໃຫ້ຄົນເບິ່ງອິນໄປຕາມໆກັນຂອງຄວາມຮັກທັງສອງພ້ອມບວກກັບການເຂົ້າເຖິງບົດຂອງຕົວລະຄອນນັ້ນໆອີ່ຫລີ ມື້ນີ້ທີມງານກໍ່ນຳເອັມວີໂຕເຕັມມາໃຫ້ທຸກຄົນໄດ້ເບິ່ງກັນ ເຮົາບອງໄປເບິ່ງພ້ອມໆກັນວ່າເອັມວີຈະສົມກັບທີ່ລໍຄອຍແລະສົມທີ່ແອັດມິນຍ້ອງບໍ່